EP7 | 就嚟 3 歲發音都唔清楚,正唔正常? 廣東話語音發展階梯及常見錯音模式
From 童言解碼–唔使估估吓|廣東話育兒|言語治療 x 情緒教育 · 00:16:44
Show by 資深言語治療師 小羽姑娘
就嚟 3 歲,仲有好多字講唔清楚,係咪一定有問題?好多家長一聽到「發音錯誤」,就即刻上網搵資料,但越睇越迷惘:有啲話要即刻糾正,有啲又話可以等多幾年。其實,判斷小朋友發音是否符合發展,不應該只睇「識唔識講某一兩個音」,而係要放返入整體廣東話聲母嘅發展階梯去理解。今集,小羽姑娘會用好易明嘅方式,介紹 2 至 6 歲廣東話聲母的大約發展次序(由唇音開始,到最後先穩定嘅齒音),並提供三條「在家自我檢查問題」,幫家長大致掌握:而家係「仍在發展中」,定係「值得約言語治療師傾一傾」。節目同時會分享,家長可以點樣用「示範」、「描述」、「留位俾小朋友開口」,溫和地支援發音,而唔係變成壓力式操練。內容包括:廣東話聲母六大類:唇、近、氣、舌、顎、齒的大約發展階梯2–6 歲發音由「多錯音」到「漸漸清晰」的自然過程三條家長在家可用的自我檢查問題(錯音集中喺邊一類?陌生人聽得明幾多?錯音有冇模式?)在家支援發音嘅三個方向:正確示範、遊戲入面多聽目標音、適量望口型+跟讀適合收聽的你:正在擔心「3 歲、4 歲都仲講唔清楚」,但唔知嚴重唔嚴重的家長想知道廣東話發音大約里程碑,又唔想被專業術語嚇親的家長想學習如何在家支持孩子發音,同時保護佢講嘢興趣和自信的照顧者🎁 免費下載:《廣東話語音發展階梯及常見錯音模式》PDF想要一份整理好嘅發展階梯圖同常見錯音模式總覽?歡迎到 IG 專頁 @thelittlemissfeather,DM 我「發音」,我會將 PDF 連結送俾你。
More episodes of 童言解碼–唔使估估吓|廣東話育兒|言語治療 x 情緒教育
More episodes
- EP15|評估要排成年?輪候期間家長可以做的三件事
- EP14|兩歲仲未識講嘢,等佢返學自然會講?遲說話的警號和家長可做的三件事
- EP13|開學第一週:放學只答「唔知」?3 招令孩子願意分享學校生活
- EP1 | 點解小朋友成日發脾氣?拆解行為背後的語言需求
- EP2 | 唔好再讚小朋友「好乖好叻」:你以為係鼓勵,其實係破壞自信
- EP3 | 強迫小朋友分享,反而會破壞發展?了解孩子社交及遊戲發展階梯
- EP4 | 小朋友一興奮就停唔到?毋需要求即時坐定,先由身體調節
- EP5 | 晚晚講故事,但小朋友都係「聽完就算」? 如何選對繪本及用故事元素講深故事
- EP6 | 一本書 5 分鐘講完,一晚要睇幾多本先夠?對話式閱讀:由「照字讀」變「一齊講故事」
- EP8 | 一定要「剪脷筋」先講得正?拆解舌繫帶與發音的迷思
PodSearch is a free, independent podcast search engine. Read about PodSearch, the privacy policy or contact us.