Hebdomada Papae 03.10.2026
From Hebdomada Papae · 00:04:59
Show by Radio Vaticana - Vatican News
Die deutsche Übersetzung siehe unten! HEBDÓMADA PAPAE” NOTÍTIAE VATICÁNAE LATÍNE RÉDDITAE Die tértio mensis Octóbris anno bismillésimo vicésimo sexto TÍTULI Pontíficis iter in Francogálliam atque eiúsdem UNESCO verba. Metis ad pacem hortátur Póntifex ubi Európa orta est. Sacra Eucharístia celebrátur ad Pontifícia Athénaea inauguránda. Salútem plúrimam ómnibus vobis auscultántibus núntios Latínos dicit Sílvia Guidi. NOTÍTIA 1 Lutétiae Parisiórum, ubi institútum ONU, quod dícitur, de educatióne, sciéntia et cultu invénitur, nostri témporis dominátum efferitatémque árguit Póntifex. Alexánder De Carolis refert. Donum est vita, non autem merx; atque bellum máxime ex humánis óperis est metuéndum, quóniam inhumánae voluntáti insérvit deléndi et interiméndi, autumávit Póntifex. Quibúsdam “artificiósis ordínibus vel nostrae humánae facultátis nomen cogitándi est indítum, scílicet intellegéntiae”, íterum Leo quartus décimus, de quodam loquens arguménto, quod est praecípuum in postrémis eius Lítteris encýclicis Magnífica Humánitas. “Eádem ópera nostrae cogitatiónes ac necessitúdines efferatiónis procéssu tenuántur. Laborámus dignitátem agnóscere, quae ab homínibus detráhi non potest, quorum vitae efficéntiae iudício ponderántur atque cum infecúndae putántur, reiciúntur ac deserúntur. Homo – áddidit Póntifex – intéllegi non potest cum seiúngitur quod ad totum áttinent, vidélicet ad corpus et ánimam, personálem vitam ac necessitúdines, ad conveniéntiam cum céteris et terrárum orbe. Una datur terra pro cunctis, atque una communísque humána natúra. Verba quoque arma esse possunt: “Sine veritáte – rursus Leo quartus décimus – loquéla violéntiae ratióni libidinosǽque poténtium voluntáti súbditur. Réliqui, lucri nómine, repellúntur, atque innóxii libertátis nómine necántur”. NOTÍTIA 2 Coram variárum confessiónum religiosárum particípibus apud Sedem Congréssuum Meténtium commúniter operándi necessitátem éxtulit Leo quartus décimus: diálogus pro pace conciliánda atque diálogus pro vita tuénda est suscipiéndus. Refert Rosárius Tronnolone. Leo quartus décimus Metas se cóntulit die praetérito Lunae, quae postréma fuit státio eius in Francogálliam itíneris. Hac in urbe, quae vúlnera adhuc secum ferébat Secúndi Belli Mundáni, venerábilis Robértus Schuman demonstrándam Európae fáciem ostendébat, cum commutáret – ipsíus sunt verba – “véteres discretiónis ratiónes in spei pontes pro cuncta Európa, atque praeco fíeret unitátis in diversitáte”. Prius quam Póntifex loquerétur, Metárum Cohortátio lecta est ac subscrípta, vidélicet offícium religiónum ad pacem obtinéndam. A patre Európae conditóre inítium sumpsit Leo quartus décimus, íterum iterúmque omnes adhórtans ad hóminum vitam tuéndam. Ex suo primo Francogállici itíneris sermóne Póntifex propósitas mortes argúerat, coram legatórum coetu, in statióne apud sanctuárium Lapurdénse íterans quod secúndum legem idem non esse quod secúndum mores. NOTÍTIAE BREVÍSSIMAE Die Iovis, octávo mensis Octóbris, in basílica Sancti Petri eucarísticae celebratióni praesidébit Póntifex, ad Annum académicum incohándum Pontificiárum Universitátum. Mense Novémbri Leo quartus décimus dioecésim Chiclayénsem répetet, cuius fuit epíscopus, iter factúrus in Uruguáiam, Argentínam et Perúviam. Haec háctenus, próxima hebdómada núntios Latínos rursus habébitis. Valéte! ### 3. Oktober 2026 DIE SCHLAGZEILEN Die Reise des Papstes nach Frankreich; die Worte des Pontifex bei der Unesco Leo XIV. in Metz: Der Appell für den Frieden in der Stadt, in der Europa geboren wurde Die eucharistische Feier zur Eröffnung des akademischen Jahres der Päpstlichen Universitäten Ein herzliches Willkommen an Sie alle von Silvia Guidi und willkommen bei den Nachrichten in lateinischer Sprache. DIE BERICHTE In Paris, am Sitz der UN-Organisation für Bildung, Wissenschaft und Kultur, hat der Pontifex die Formen des Despotismus und der Barbarei unserer Zeit angeprangert. Der Bericht von Alessandro De Carolis: Das Leben ist ein Geschenk, keine Ware; und der Krieg ist das furchterregendste aller menschlichen Werke, sagte der Papst, da in ihm die Wissenschaft selbst in den Dienst eines menschenverachtenden Willens zur Zerstörung und zum Töten gestellt werde. Einigen „künstlichen Systemen wurde sogar der Name unserer menschlichen Denkfähigkeit gegeben: Intelligenz“, bemerkte Leo XIV. mit Blick auf ein Thema, das im Mittelpunkt seiner neuesten Enzyklika Magnifica Humanitas steht. „Gleichzeitig laufen unsere Ideen und Beziehungen Gefahr, durch einen Prozess der Entmenschlichung verarmt zu werden. Wir tun uns schwer, die unveräußerliche Würde menschlicher Personen anzuerkennen, deren Leben nach dem Kriterium der Effizienz bewertet und, wenn sie als nicht mehr produktiv erachtet werden, abgelehnt und aussortiert werden. Der Mensch – so der Papst weiter – kann nicht verstanden werden, indem man trennt, was zu einem Ganzen gehört: Körper und Seele, persönliches Leben und Beziehungen, unsere Beziehung zu anderen und zur Umwelt. Es gibt nur eine Erde für…
More episodes of Hebdomada Papae
More episodes
- Hebdomada Papae 21.11.2026
- Hebdomada Papae 14.11.2026
- Hebdomada Papae 07.11.2026
- Hebdomada Papae 31.10.2026
- Hebdomada Papae 24.10.2026
- Hebdomada Papae 17.10.2026
- Hebdomada Papae 10.10.2026
- Hebdomada Papae 26.09.2026
- Hebdomada Papae 19.09.2026
- Hebdomada Papae 12.09.2026
PodSearch is a free, independent podcast search engine. Read about PodSearch, the privacy policy or contact us.